首页 > 报纸波经 > 东方日报 > 正文

拜仁上盘磨利刀

时间:2019-03-13 09:27:25来源:互联网
红军当黑访凶地
今晚欧联16强次回合爆发重头大战,利物浦作客硬撼拜仁慕尼黑。红军虽有中坚华基尔云迪积克刑满复出,但王牌穆罕默德沙拿连续5场食白果,黑到冇朋友,而且近期欧联客场出击例必脚软,今场造访回勇兼主场专治英超兵嘅拜仁,睇怕凶多吉少,拜仁小让平半,上盘有计。
(Now 643、有线656及616台周四凌晨4时直播)
利物浦喺首回合佔尽上风,却只能喺主场与拜仁打成0比0,绝对係放虎归山。防线领袖华基尔云迪积克虽然坐完波监可复出,但呢支上届欧联亚军近期状态大幅滑落,近8场只得3胜5和,仲喺英超畀曼城过咗头跌落「2哥」位,严重打击信心。忽然大跌Watt,同王牌穆罕默德沙拿脚风欠顺有关,佢近5场全部食白果,而且喺大战例牌隐形,今季英超两战曼联、曼城、火併车路士及热刺、欧联斗巴黎圣日耳门合共8场比赛,录得零入球,同上季遇强愈强相比,判若两人。
罗拔仔占士基拿比擦出火花
相反,拜仁歇冬后状态冒升,近6场5胜1和,包括上场以6比0狂炒禾夫斯堡,喺德甲已追至与榜首多蒙特同分,前线新组合罗拔利云度夫斯基、占士洛迪古斯及基拿比愈来愈合拍,「罗拔仔」刚以197球成为德甲史上入波最多嘅外援,弗到漏油。即使今场有右闸甘美治停赛,幸翼锋列贝利、京士利高文及中场哥列斯卡已伤愈可候命,上周被德国国家队弃用嘅3子汤马士梅拿、谢路美保定及晓姆斯,更会化悲愤为力量,喺拜仁踢争气波证明自己。
翻查纪录,红军喺欧联作客表现惨不忍睹,连续4场欧联作客全败之馀,当中更包括造访贝尔格莱德红星淨吞2蛋,相反,拜仁近4次欧联主场迎战英超球队,全部赢晒,睇嚟专剋英超兵,今仗小让平半,上盘咪错过。